تیری صورت جو دل نشیں کی ہے

Love poetry

تیری صورت جو دل نشیں کی ہے

آشنا شکل ہر حسیں کی ہے

حسن سے دل لگا کے ہستی کی

ہر گھڑی ہم نے آتشیں کی ہے

صبح گل ہو کہ شام مے خانہ

مدح اس روئے نازنیں کی ہے

شیخ سے بے ہراس ملتے ہیں

ہم نے توبہ ابھی نہیں کی ہے

ذکر دوزخ بیان حور و قصور

بات گویا یہیں کہیں کی ہے

اشک تو کچھ بھی رنگ لا نہ سکے

خوں سے تر آج آستیں کی ہے

کیسے مانیں حرم کے سہل پسن

رسم جو عاشقوں کے دیں کی ہے

فیضؔ اوج خیال سے ہم نے

آسماں سندھ کی زمیں کی ہے  

فیض احمد فیض

Teri Soorat jo dil nasheen ki hai

Ashna shakal har haseen ki hai

Hussun se dil lagake hasti ki

har ghari hum ne aatshen ki hai

Subh gul ho k sham maykhana

Madah is Roi Nazni ki hai

Shaikh se behiras milte hain

hum ne tuaba abhi nhi ki hai

Zikre dozakh bayan hoor-o-qusoor

bat goya yahi kahi ki hai 

ashk to kuch bhi rang na la sake

khoon se tar aj asteen ki hai

kese mane haram k sahal pasan

rasim jo ashqon k deen ki hai 

Faiz Aoj khayl se hum ne 

Asman sindh ki zameen ki hai

Faiz Ahmed Faiz