یہ ضروری تو نہیں لب پہ سوال آ جائے

Sad poertry

کیوں مرے لب پہ وفاؤں کا سوال آ جائے

عین ممکن ہے اسے خود ہی خیال آ جائے

ہجر کی شام بھی سینے سے لگا لیتا ہوں

کیا خبر یوں ہی کبھی شام وصال آ جائے

گھر اسی واسطے جنگل میں بدل ڈالا ہے

شاید ایسے ہی ادھر میرا غزال آ جائے

دھنک ابھرے سر افلاک کڑی دھوپ میں بھی

دشت وحشت میں اگر تیرا خیال آ جائے

کوئی تو اڑ کے دہکتا ہوا سورج ڈھانپے

گرد ہی سر پہ گھٹاؤں کی مثال آ جائے

چھوڑ دے وہ مجھے تکلیف میں ممکن تو نہیں

اور اگر ایسی کبھی صورت حال آ جائے

اس گھڑی پوچھوں گا تجھ سے یہ جہاں کیسا ہے

جب ترے حسن پہ تھوڑا سا زوال آ جائے

کچھ نہیں ہے تو بھلانا ہی اسے سیکھ عدیمؔ

زندگی میں تجھے کوئی تو کمال آ جائے

Kio mere lab pe wafaon ka sawal aa jai

Ain mumkin hai Usse khud hi khayal aa jai

Sham-e-hijran ko bhi seene se laga leta hon 

kiya khabar yon hi kabhi sham-e-wisal aa jai

Ghar ussi waste jangal main badal dala hai 

shayad aise hi idhar mera gizzal aa jai

dhanak ubhre sar-e-aflak kari dhop main bhi 

dasht-e-wehshat main agar tera khayal aa jai

chor de wo mujhe taklif main mumkin to nhi 

or agar aisi kabhi soorat-e-hal aa jai 

 

Us ghari pochonga tujhse ye jahan kesa hai

jab tere hussun pe thora sa zawal aa jai

kujh nhi hai to bhulana hi usse seekh Adeem

zindagi main tujhe koi to kamal aa jai