نہ سماعتوں میں تپش گُھلے نہ نظر کو وقفِ عذاب کر

Mohsin Naqvi

نہ سماعتوں میں تپش گُھلے نہ نظر کو وقفِ عذاب کر

 جو سنائی دے اُسے چپ سِکھا جو دکھائی دے اُسے خواب کر

 ابھی منتشر نہ ہو اجنبی، نہ وصال رُت کے کرم جَتا

 جو تری تلاش میں گُم ہوئے کبھی اُن دنوں کا حساب کر

 مرے صبر پر کوئی اجر کیا مری دو پہر پہ یہ ابر کیوں؟

 مجھے اوڑھنے دے اذیتیں مری عادتیں نہ خراب کر

 کہیں آبلوں کے بھنور بجیں کہیں دھوپ روپ بدن سجیں

 کبھی دل کو تَھل کا مزاج دے کبھی چشمِ تَر کو چناب کر

 یہ ہُجومِ شہرِ ستم گراں نہ سُنے گا تیری کبھی صدا

 مری حسرتوں کو سُخن سُنا مری خواہشوں سے خطاب کر

 یہ جُلوسِ فصلِ بہار ہے تہی دست، یار، سجا اِسے

 کوئی اشک پھر سے شرر بنا کوئی زخم پھر سے گلاب کر

محسن نقوی

nah samaaton mein tapish ghulay nah nazar ko waqf-e-azaab kar

jo sunai day ussay chup Sikha jo dikhayi day ussay khawab kar

abhi muntashir nah ho ajnabi, nah visale ruut ke karam jta

jo tri talaash mein gum hue kabhi unn dinon ka hisaab kar

mere sabr par koi ajar kya meri do pehar pay yeh abr kyun ?

mujhe orhne de azeeyaten meri adaten nah kharab kar

kahin aablon ke bhanwar bjain kahin dhoop roop badan Sajen

kabhi dil ko thal ka mizaaj day kabhi chashm-e tar ko chanab kar

yeh hajhoom shehr-e sitam giran na sunne ga teri kabhi sada

meri hasratoon ko Sukhan suna meri khawahishon se khitaab kar

yeh juloos-e-fasal-e-bahhar hai tehi dast, yaar, saja isse

koi asshk phir se Sharar bana koi zakham phir se ghulaab kar

  Mohsin Naqvi