محبتوں میں اذّیت شناس کتنی تھیں

Mohsin Naqvi

 محبتوں میں اذّیت شناس کتنی تھیں

بچھڑتے وقت وہ آنکھیں اُداس کتنی تھیں

فلک سے جن میں اُترتے ھیں قافلے غم کے

مری طرح وہ شبیں اُس کو راس کتنی تھیں

غلاف جن کی لحد پر چڑھائے جاتے ھیں

وہ ھستیاں بھی کبھی بے لباس کتنی تھیں؟

بچھڑ کے تجھ سے کسی طور دِل بہل نہ سکا

نِشانیاں بھی تری میرے پاس کتنی تھیں

اُتر کے دل میں بھی آنکھیں اُداس لوگوں کی

اسیرِ وھم و رھینِ ھراس کتنی تھیں

وہ صُورتیں جو نکھرتی تھیں میرے اشکوں سے

بچھڑ کے پھر نہ ملیں ، ناسپاس کتنی تھیں

جو اُس کو دیکھتے رھنے میں کٹ گئیں محسن

وہ ساعتیں بھی محیطِ حواس کتنی تھیں ؟

مُحسن نقوی

mohabbaton main azzit shanaas kitni theen
bichartay waqt woh ankhen udas kitni theen

fallak se jin mein utarte hain qaafley gham ke
meri tarha  woh shabeen uss ko raas kitni theen

ghilaaf jin ki lehad par charhaye jatay hain
woh Hastiyan bhi kabhi be libaas kitni theen ?

bhichar ke tujh se kisi tor dil behal nah saka
nishanian bhi teri mere paas kitni theen

utar ke dil mein bhi ankhen udas logon ki
Aseer vehm o raheen-e-hiras kitni theen

woh soorten jo nekharti theen mere ashkon se
bhichar ke phir nah milein, Naspas kitni theen

jo uss ko dekhte rhne mein kat gayeen mohsin
woh saaetain bhi muheet-e hawaas kitni theen ?

(Mohsin Naqvi)